有何分別？
© Bobby Yip
忘記在哪兒聽到這一段：
有啲友問：影相佬、拍照者和攝影師有何差別？對某啲人而言：影相佬係手作仔，拍照者是眼部運動，攝影師乃具心法之士。影相佬只係心口掛相機，拍照者是食指按快門，攝影師乃肩負歷史重擔。影相佬係搵食啫，拍照者是有錢買花戴，攝影師乃李天命事件實在論的忠實信徒。影相佬最緊要係Sharp，拍照者四平八穩，追求美感，攝影師乃生命之源。影相佬係為個人發財，拍照者是負責任的家庭成員，攝影師乃以天下為已任。影相佬卑躬屈膝，個心捻住收錢，拍照者水深及膝，最重要個人獲得快感，攝影師縱使面壁盤膝，仍心繫四方；先天下之憂而憂，後天下之樂而樂；犠牲小我，完成大我；躹躬盡粹，死而後矣。
咁攝影家呢？
「面係人地比，家係自己丟。」
咁龍友呢？
「我唔係龍友，我係攝影師。」
咁攝影人呢？
「人一個。」
咁你呢？
「我咪你話咩咪係咩囉。」（唵嘛呢叭咪吽）
---
按：以上藉誇張效果，對比「拍照」和「攝影」，是否如此涇渭分明，還是無謂分野？
另見：